多謝各位朋友仔同我慶祝生日呀!!錫晒你地呀
今年有好多個surprices
第一個在10/10(星期六)，團契完左之後，Sharon & Doreen竟然捧出個蛋糕同我慶祝
真係估唔到佢地會咁做呀!!超級感動...多謝你地呀!!
仲有一大班團友仔同我慶祝，真係好感動(而家講起都依然覺得好感動，都好想喊...) 一班好錫我的團友仔!!
同我差幾日生日的壽星仔-Tony
當晚，同呀軒、俊賢、珊珊、Tony & Grace去食放題...yeah...
到了生日當日，一踏入十二點又收到另一個驚喜
曉慧同Alan竟然拎左個蛋糕上到我屋企，嘩...咁大個女都未試過有人咁做，多謝你地呀!!
Alan仲著埋suit黎，真係好似求婚咁，哈哈...

 合照with曉慧劍斬情絲Alan
Lunch time，同學們就同我食蛋糕—芝士芒果蛋糕，yummy呀!!
將我最鍾意食的食物加埋一齊
大學同學仔
夜晚就同呀軒、呀茄、Sharon、Doreen & ManMan食飯慶祝，我地食Pizza Express
嘩...好多芝士呀...超正!!食到好滿足，好開心，仲食埋個雪糕做甜品， 簡直冇得頂呀!!多謝你地呀!!
一餐充滿芝士的晚餐,yeah!!
(辛苦大家陪我食啦^^")
星期五，曉慧同呀茄帶我去食EXP，wow...依間都好好食呀，又唔係太貴，正呀!!多謝你地呀!!

今年生日真係好開心，因為Year3的project真係令我透不過氣來，
有生日依件開心事沖擊一下，心情都好好多。
真係多謝咁多位朋友仔&弟兄姊妹咁錫我，每當我灰心、氣餒時，想起你地，我就覺得好感動&幸福，感謝主賜我有一班咁愛我的弟兄姊妹(ar...我d眼淚又係咁流啦)

今日好感謝主叫我好順利咁教補習班!!我可能教得唔係咁好，但至少一班中一生都叫聽話
佢地都冇出難題去考我，都算係咁啦~
雖然只係教中一數學，但我都預備左好幾日(唉...我做野真係慢>.<)，真係見到都有點頭痛
感謝主叫我教果陣都有精神、平安!!希望下個星期都可以咁順利啦

成功參加HKFBS Mentorship，interview時我緊張到死，
竟然夠膽死將"Hong Kong Sheu Yan University"講成"Hong Kong University"
(咁都收我真係好彩^^)
要出席一個opening@朗豪酒店
感謝主叫我有平安，叫我勇敢去識人!!
特別多謝一班弟兄姊妹&朋友幫我買衫、襯衫&化妝，有你地我果日先可以咁靚，hoho... 幻想緊自己帶con..好低b

親愛的朋友仔，中秋節快樂呀!!
哈哈，我終於等到有4日假期啦~~
30/9 (星期三)幾經辛苦交左份BR Poposal!!(唉...又再一次通頂)
夜晚好開心咁約左一班大學同學仔去Cafe玩
難得輕鬆下丫ma~~正呀!!好鍾意同你地玩
第二日就狂訓，由3am訓到第二日ge 8:30pm，連訓左15個鐘，我都有d驚~~
但到左第二日，我都係好頭痛，連工都返唔到>.<
唉...又病啦~~到左今日都仲係暈暈地，一日到黑都唔知做緊咩...真係要小心d身體先得啦!!
上星期日去in左個mentorship，要用英文in，我緊張到都唔知講左d咩~~
感謝主!竟然咁都收左我，wahaha...
依排心情冇咁緊張啦，多謝大家為我祈禱呀!!

上星期六在教會分享了見證，我都好想在此同大家分享下：
(不過我是在極度眼訓的情況下寫的，可能有點亂，請不要介意哦)
                                                                   緊張的提醒

        大家好，我是青年團的Phoebe。跟我相熟的人都知道我是一個缺乏自信的人，凡事都害怕，有極多憂慮。而我又想每一件事都做到最好，所以就給了自己很大壓力。剛開學一星期，已經需要繳交好多功課，而教授又指出經常會在課堂上作小組討論及報告。所以，我很緊張地上每一課，要求自己極專心上課，要隨時準備報告。上課就跟作戰一樣，經常在作戰狀態，迫得自己喘不過氣來。幸好，主很愛錫我這個女兒，祂賜我有一班很好的弟兄姊妹。每當我不愉快時，我就會致電他們訴苦。將心中的憂慮說出來，再加上他們的安慰，我的心情就可以放鬆一點了。

        雖然我在緊張時會祈禱，求神叫我放鬆，叫我有平安。但是，效果並不顯著，因為我沒有放手將事件交在主手裡。兩星期前，我在中一佈道會中表演倒水魔術。由於當日太倉促回到教會，心理還未準備好。所以，整個人就很亂，再加上臨時決定請一位老師上台協助，我就更加緊張。我在後台不斷祈禱，求神叫我有平安，有勇氣去表演。但是，神好像沒有回應我的禱告，心情依然十分緊張。突然間，我想到這是為神去表演，神應該自有安排，我只要做好自己的本份就可以了。漸漸地，心跳開始減慢，我可以仔細地思考整個表演的流程。到我踏上舞台，我就完全不緊張了，還可以發揮自如。感謝主﹗整個表演都很順利，我好像被聖靈充滿了。這一種感覺很特別，跟平常很不同，心中的喜樂維持了很久。事後，我回想這事，我發現因為我將整件事都交在神手中，神就拖帶著我去完成。與平時相比，往時的我不會將事件完全放手交給神，所以我就察覺不到神的存在。這件事給我很大的提醒，叫我將事情都交在主手裡。雖然我現在還經常感到緊張，但我都開始學習放手交給神，靜聽祂給我的提示。最後，有一句話想跟大家分享：「無論我們是怎樣，我們都是神所喜愛的兒女」。這句話時常都提醒我要放鬆一點，希望這句話也可以成為你們的提醒。

對唔住...我發你脾氣
對唔住...我埋怨過你
我知朋友冇責任去氹我
但我太倚賴朋友仔，好想你地氹我
我太任性啦...
但我真係好需要你地...
感謝主賜我可以同行的朋友

 30/8 (星期日)我去了樹仁SU O-Camp做helper
因為星期六在教會有事奉行唔開，所以星期日先入Camp
而我的第一個工作(六都係唯一的工作)就在灣仔金紫荊廣場守checkpoint
因為依一個point只需要組員們成組砌一朵紫荊花，並邀請五個途人同他們合照
根本就冇咩野做，所以就得我自己一個守啦~~
我由11:30am坐到5:30pm，我睇報紙、聽電台、睇書，連上主日學的notes都睇埋
真係好無聊...
我幫佢地影相，本來覺得紫荊花一點都唔靚，但後來都覺得幾靚丫....
所以最後我都扮自由行同紫荊花影左張相^^''
之後打俾Camp的負責人，問下佢係唔係可以返campsite(烏溪沙青少年村)食飯
點知佢話太遠啦，我應該趕唔切返去食，叫我自己食，唉...
當我食飽飽，趕緊返去的途中就收到電話，話helper們幾埋一齊在馬鞍山食飯= =
入到camp，我都冇野做，only坐係度睇住佢地玩賭games
我覺得d遊戲好無聊，我完全唔覺得好玩(唔關籌委事，這只是我個人感覺)，
我唔明白點解佢地要咁玩~
雖然我見到有些我認識的同學做組爸組媽，但佢地都有自己的忙，都唔得閒理我
我又唔識d helpers，又冇理由走去人地組度玩，所以我覺得好唔開心~
我覺得有冇我都冇所謂，我搵唔到自己的存在，我唔知自己係度做緊乜
最後我決定左即時離營，返屋企
今次係我第一次要提早出camp，媽媽都俾我嚇親^^"
對唔住...我講左個大話去出camp，要你地擔心唔好意思
在camp入面見到呀科，好多謝你呀!!見到你，我真係好開心，好多謝你支持我呀!!
好多謝開心我的人呀!!
經此一役，我明白其實我好小朋友，我唔識我同陌生人相處，我好驚去到一個完全唔識的環境
記得Year1 O-Day時我都係咁，我好驚，我唔敢同陌生人傾計
可能你地唔明點解我唔敢去識人，
但是我想你地知道我在教會及教會以外的地方是兩個人，我其實好被動，咩都驚的人
今次我可能係激動左，但原來我好怕被人忽略、冷落
尋日一早我就已經好似被人發放邊疆，入到camp又冇人理我，真係有冇我都冇所謂，
依種感覺我好難受
我入camp前已經做左心理準備，我以為睇人玩我冇咩所謂，但原來睇我都接受唔到
佢地的無聊，我接受唔到
我以後都唔敢去O-Camp啦~~